Annar besti sveitarfélagavefurinn
Vefur Garðabæjar lenti í öðru til þriðja sæti í flokki sveitarfélaga í úttekt sem gerð var á opinberum vefjum í haust.
Vefur Garðabæjar lenti í öðru til þriðja sæti í flokki sveitarfélaga í úttekt sem gerð var á opinberum vefjum í haust. Tilkynnt var um niðurstöður úttektarinnar í gær. Vefur Reykjavíkurborgar lenti í fyrsta sæti og var jafnframt valinn besti sveitarfélagavefurinn af dómnefnd og er nágrönnum okkar í höfuðborginni óskað til hamingju með þann flotta árangur.
Í öðru til þriðja sæti voru vina- og nágrannabæirnir Garðabær og Hafnarfjörður.
Vefur Ríkisskattstjóra var valinn besti vefur ríkisstofnunar.
Alls voru skoðaðir 265 vefir í úttektinni, þar af 72 vefir sveitarfélaga.
Nánari upplýsingar um framkvæmd og niðurstöður könnunarinnar eru á ut-vefnum.