Listakonur heiðraðar
Í vikunni heiðruðu starfsmenn Ásgarðs tvær ungar listakonur með blómum.
Eins og áður hefur komið fram á vef Garðabæjar störfuðu þær Sunna S. Thorarensen og Birta D. Skúladóttir að 30 m langri veggskreytingu við íþróttamiðstöðina Ásgarð í sumar með myndum úr norrænni goðafræði. Þær hafa nú lagt lokahönd á verkið sem vekur verðskuldaða athygli gesta og vegfarenda.
Fulltrúi fastagesta lýsti sérstakri ánægju sundlaugargesta með þetta framtak. Undirbúningur verksins hófst snemma í vor og fóru umtalsvert fleiri vinnustundir í það en áætlað var í fyrstu enda vandað og vel unnið verk sem þær stöllur hafa skilað af sér.
Myndir af stúlkunum við vinnu sína eru á facebook síðu Garðabæjar.