Átta liða úrslit í Útsvari
Útsvar er spurningakeppni sveitarfélaganna í Sjónvarpinu. Umsjónarmenn eru sem fyrr Sigmar Guðmundsson og Þóra Arnórsdóttir. Dómari og spurningahöfundur er Ólafur Bjarni Guðnason.
Garðabær stóð sig vel í fyrstu og annarri umferð og hafði betur gegn Álftnesingum í sannkölluðum grannaslag 20. janúar sl. Í átta liða úrslitum sem fara fram miðvikudaginn 4. apríl mætir Garðabær liði Ísafjarðarbæjar.
Garðbæingar eru hvattir til að mæta í sjónvarpssal til að fylgjast með útsendingu og styðja við lið Garðbæinga. Áhorfendur sem vilja fylgjast með í sjónvarpssal geta mætt í sjónvarpshúsið í Efstaleiti hálftíma fyrir útsendingu. Útsending hefst kl. 19:55.
Lið Garðabæjar:
Vilhjálmur Bjarnason
Elías Karl Guðmundsson
Ragnheiður Traustadóttir
ÁFRAM GARÐABÆR!