Opnun leikskóla í Akrahverfi
Þann 9. janúar 2012 tekur til starfa nýr leikskóli í Akrahverfinu.
Hægt að sækja um flutning í Akra
Vakin er athygli foreldra á því að nú gefst tækifæri til að sækja um flutning á leikskóladvöl í leikskólann Akra með því að senda tölvupóst á sigrunsig@leikskolarnir.is .
Flutningur getur þá átt sér stað upp úr áramótum eða eftir sumarfrí, allt eftir óskum hvers og eins.
Virkni og vellíðan
Grunngildi leikskólans verða: Virkni og vellíðan. Vellíðan barna verður höfð í fyrirrúmi og starfið skipulagt út frá þátttöku og virkni barnanna í öllu starfinu. Sköpun, læsi, útikennsla og tenging við samfélagið kemur til með að skipa stóran sess. Lögð verður áhersla á teymisvinnu meðal barna, starfsmanna og foreldra.
Leikskólastjóri er Sigrún Sigurðardóttir og hefur hún ráðið til sín aðstoðarleikskólastjóra, deildarstjóra og annað samstarfsfólk.
Frekari upplýsingar eru á vef leikskólans www.akrar.is