Fjölbreytt vorsýning í Jónshúsi
Vorsýning félags- og íþróttastarfs eldri borgara í Garðabæ var sett í Jónshúsi í dag, fimmtudag, að viðstöddu fjölmenni. Ingibjörg Hauksdóttir, formaður nefndar um málefni eldri borgara opnaði sýninguna. Eftir það tóku við fjórir félagar úr Vox populi sem sungu nokkur lög úr Söngperlum 2.
Á sýningunni er fjölbreytt handverk sem þátttakendur í félagsstarfinu hafa unnið í vetur, málverk, bútasaumur, tré- og silfursmíði svo eitthvað sé nefnt.
Sýningin verður opin næstu tvo daga og eru allir velkomnir. Á morgun, föstudag 6. maí kemur Garðakórinn fram kl. 14.30 og syngur undir stjórn Jóhanss Baldvinssonar. Á laugardaginn kl. 13.30 sýnir linudanshópur undir stjórn Lizy Steinsson.
Báða dagana verður hægt að kaupa kaffiveitingar fyrir vægt verð.
Auglýsing með dagskrá sýningarinnar.