Heimsótti Hönnunarsafnið
Barbara Miklič Türk, forsetafrú Slóveníu, heimsótti Hönnunarsafn Íslands í Garðabæ þriðjudaginn 3. maí sl. í fylgd með forsetafrú Íslands Dorrit Moussaieff. Heimsóknin var liður í dagskrá í opinberri heimsókn forseta Slóveníu og föruneytis dagana 3.-5. maí.
Barbara Miklič Türk, forsetafrú Slóveníu, heimsótti Hönnunarsafn Íslands í Garðabæ þriðjudaginn 3. maí sl. í fylgd með forsetafrú Íslands Dorrit Moussaieff. Heimsóknin var liður í dagskrá í opinberri heimsókn forseta Slóveníu og föruneytis dagana 3.-5. maí.
Harpa Þórsdóttir forstöðumaður Hönnunarsafn Íslands tók á móti gestunum og fylgdi þeim um þær sýningar sem eru nú í Hönnunarsafninu. Í safninu er yfirlitssýning á verkum Gunnars Magnússonar húsgagnahönnuðar og einnig er í safninu sýningin Á gráu svæði með verk eftir Hrafnhildi Arnardóttur. Á heimasíðu safnsins er hægt að sjá nánari upplýsingar um sýningarnar, www.honnunarsafn.is. Safnið er til húsa að Garðatorgi 1 í Garðabæ.