Safnanótt í Garðabæ
Á föstudagskvöldinu 12. febrúar verður haldin Safnanótt á höfuðborgarsvæðinu. Safnanótt hefur áður verið haldin í Reykjavík en að þessu sinni taka fjölmörg söfn víðsvegar á höfuðborgarsvæðinu þátt. Yfir 30 söfn verða með opið hús og bjóða upp á fjölbreytta dagskrá sem gestir á öllum aldri fá notið fram til miðnættis.
Dagskrá í Garðabæ
Í Garðabæ verður opið hús í Bókasafni Garðabæjar við Garðatorg kl. 19:00 - 24:00. Einnig geta gestir og gangandi skoðað minjagarðinn Hofsstaði við Kirkjulund.
Bókasafn Garðabæjar:
Kl. 20 Landnámsmenn í Garðabæ - fróðleikur
Ragnheiður Traustadóttir fornleifafræðingur fræðir gesti um landnámsmenn í Garðabæ
Hofsstaðir:
Kl. 20.45 Leiðsögn um minjagarðinn á Hofsstöðum
Gengið verður upp að Hofsstöðum (3 mín gangur) pg minjagarðurinn skoðaður undir leiðsögn Ragnheiðar Traustadóttur. Einnig er hægt að mæta beint í leiðsögn við garðinn kl. 20.45. Minjagarðurinn er við hliðina á Tónlistarskóla Garðabæjar við Kirkjulund.
Kl. 21:00 Kaffiveitingar í bókasafninu
Bókasafn Garðabæjar:
Kl. 21.30 - 22:00 Náttsöngvar
Ragnheiður Gröndal söngkona flytur nokkur íslensk vögguljóð við gítarundirleik Guðmundar Péturssonar.
Allir eru velkomnir í Bókasafnið og í minjagarðinn þetta kvöld. Aðgangur er ókeypis.
Safnanæturstrætó
Sérstakur safnanæturstrætó gengur á milli safnanna og auðveldar gestum að heimsækja fjölmörg söfn á einu kvöldi. Safnastrætóinn stoppar m.a. við Garðatorg - sjá nánari upplýsingar hér.
Nóttin gæti svo endað á Lange Nacht der Museen í Berlín því einn heppinn þátttakandi í safnanæturleik hlýtur ferð með Iceland Express fyrir tvo á Safnanótt í Berlín í ágústlok.
Sjá fleiri viðburði á www.safnanott.is