Nágrannavarsla í Sjálandi
Fyrsti fundur ársins um nágrannavörslu var með íbúum á Sjálandi, fimmtudaginn 28. janúar sl.
Öflugasta forvörnin
Stefnt er að því að á vormánuðum hafi verið fundað um nágrannavörslu með íbúum í öllum hverfum bæjarins. Með nágrannavörslu ákveða nágrannar að taka höndum saman um að efla öryggi í sínu nánasta umhverfi hvað varðar innbrot, þjófnaði og skemmdarverk. Það er mat lögreglunnar að nágrannavarsla sé öflugasta forvörn sem hægt er að grípa til í því skyni.
Nágrannavarsla í Garðabæ er samstarfsverkefni Garðabæjar og lögreglu höfuðborgarsvæðisins og á fundunum sem íbúar eru boðaðir til fara fulltrúar þessara tveggja aðila yfir það hvernig nágrannavörslu er komið á.
Næsti fundur
Boðað verður til fundar með íbúum í Bæjargili og Hnoðraholti um miðjan þennan mánuð.
Hægt er að lesa um nágrannavörsluna á vef Garðabæjar.