Brothætt í Listasal Garðabæjar
Listasalur Garðabæjar var formlega opnaður laugardaginn 3. október sl. með einkasýningu Laufeyjar Jensdóttur bæjarlistamanns Garðabæjar 2009. Jóna Sæmundsdóttir formaður menningar- og safnanefndar Garðabæjar opnaði sýninguna og bauð gesti velkomna.
Sýning Laufeyjar nefnist “Brothætt“ og á sýningunni eru bæði myndverk og innsetning. Sýningin stendur til 18. október nk. og er opin daglega frá kl. 13-18. Allir eru velkomnir á sýninguna og aðgangur er ókeypis.
Listasalur Garðabæjar er staðsettur að Garðatorgi 7, á hæðinni fyrir ofan Bókasafn Garðabæjar. Bílastæði eru bæði austan og vestan megin við Garðatorgið og innangengt er í salinn bæði frá innitorginu (gengið upp hringstigann) og einnig frá aðkomu austan megin.
Sjá nánari upplýsingar um sýninguna hér á heimasíðunni.