Síðasta sýningarhelgi Óvæntra kynna
Nú fer hver að verða síðastur að skoða sýninguna Óvænt kynni í Hönnunarsafni Íslands en síðasti sýningardagur er sunnudagurinn 5. janúar.
Á sýningunni er tekinn fyrir sá hluti íslenskrar hönnunarsögu sem hefst með innreið módernismans í íslenska hýbýlamenningu upp úr 1930 og áhrif hans fram yfir 1980.
Á sýningunni eru munir úr safneign safnsins og annarra menningarminjasafna en einnig koma til óvænt kynni við hluti sem varðveist hafa í heimahúsum.
Á sýningunni má líta vle þekkta hönnunargripi sem öðlast hafa sess með þjóðinni sem tímamótaverk. Einnig eru þar óvæntir hlutir sem greina má jafnt í verkum nafnlausra smiða sem og framsækinna húsgagna- og textílhönnuða á síðustu öld.
Safnið verður opið laugardag og sunnudag 4. og 5. janúar kl. 12-17.
Verið velkomin.