Sumri fagnað í Garðabæ
Garðbæingar fögnuðu komu sumars með skátamessu, skrúðgöngu og skemmtidagskrá við Hofsstaðaskóla
Garðbæingar fögnuðu komu sumars með skátamessu, skrúðgöngu og skemmtidagskrá við Hofsstaðaskóla á sumardeginum fyrsta.
Í skátamessu í Vidalínskirkju endurnýjaði fjöldi skáta heiti sitt áður en lagt var af stað í skrúðgöngu frá kirkjunni að Hofsstaðaskóla. Lúðrasveit Tónlistarskóla Garðabæjar fór fyrir göngunni og prúðbúnir skátar báru fána.
Við Hofsstaðaskóla biðu leiktæki og skemmtiatriði göngumanna og hið ómissandi kökuhlaðborð skátanna var á sínum stað í skólanum.