Chicago fær góðar viðtökur
Verðandi, leikfélag Fjölbrautaskólans í Garðabæ, frumsýndi söngleikinn Chicago í sal skólans í lok febrúar. Verkinu hefur verið afar vel tekið af áhorfendum. Sýningum lýkur 22.
mars.
Tómas Oddur Eiríksson, formaður Verðanda, sagði í viðtali við Morgunblaðið á frumsýningardaginn að verkið ætti sérlega vel við á Íslandi í dag enda gerðist það á þriðja áratugnum í Bandaríkjunum, rétt áður en kreppan skall á.
Verkið er byggt á þýðingu Gísla Rúnars Jónssonar sem hann gerði fyrir Borgarleikhúsið en kvikmyndin Chicago, sem fékk Óskarsverðlaun sem besta myndin árið 2003, var höfð sem fyrirmynd í uppfærslunni.
Leikstjóri verksins er Bjarni Sæbjörnsson, danshöfundur er Lovísa Ósk Gunnarsdóttir og um tónlistarstjórn sér Hallur Ingólfsson.
Upplýsingar um sýningar og miðasölu eru aðgengilegar hér á vefnum og á vef FG, www.fg.is