Bikarmeistarar karla í körfu
Stjarnan er bikarmeistari karla í körfuknattleik eftir að hafa sigrað KR með 78 stigum gegn 76 í æsispennandi úrslitaleik á sunnudaginn. Stjörnumenn tryggðu sér þar með sinn fyrsta bikarmeistaratitil í körfubolta. Leikurinn var hnífjafn frá upphafi til enda en Stjörnumenn fögnuðu verðskulduðum sigri eftir að hafa sýnt frábæran leik og verið í forystu mestan hluta leiktímans.
Áður en leikurinn hófst bauð körfuknattleiksdeildin til fjölskylduhátiðar í Ásgarði og þaðan var voru farnar sætaferðir á leikinn. Fjölmargir Garðbæingar tóku boði deildarinnar og studdu sína menn dyggilega í leiknum.
Íþrótta- og tómstundaráð Garðabæjar sendir körfuknattleiksdeildinni hamingjuóskir með titilinn.
Ýtarleg umfjöllun um leikinn í máli og myndum er á vefnum karfan.is.