Jólin kvödd með brennu
Garðbæingar kvöddu jólin á þrettándabrennu Vífils í rigningunni í gær
Jólin voru kvödd með þrettándabrennu Vífils sem haldin var við skálann Vífilsbúð í Heiðmörk í gær, á þrettándanum. Stór hópur fólks lét rigninguna ekki á sig fá og gekk fylktu liði í kyndilgöngu frá grillunum í Heiðmörk að skálanum þar sem kveikt var í brennunni.
Við brennuna voru sungnir skátasöngvar, Hjálparsveit skáta í Garðabæ var með flugeldasýningu og að lokum var boðið upp á heitt kakó og kleinur í Vífilsbúð.