Mislæg gatnamót
Gerð mislægra gatnamóta Reykjanesbrautar og Vífilsstaðavegar
Vegagerðin hefur hafið byggingu mislægra gatnamóta Reykjanesbrautar og Vífilsstaðavegar. Verktakar eru Ris ehf. og Glaumur ehf. Eftirlit með verkinu hefur verkfræðistofan Línuhönnun hf.
Verkið felst í gerð brúar yfir Reykjanesbraut, breytingum á legu núverandi Vífilsstaðavegar og gerð tveggja hringtorga sitt hvoru megin við Reykjanesbraut. Frá hringtorgunum verða gerðar að- og fráreynar inn á Reykjanesbraut. Akbrautir eru sýndar með gulum lit á myndinni.
Gerð verða undirgöng fyrir gangandi vegfarendur undir Vífilsstaðaveg vestan gatnamótanna. Undirgöngin tengjast núverandi og nýjum göngustígum sem sýndir eru með grænum lit á myndinni.
Gatnamótin eiga að vera ökufær 1. október 2008 og frágangi að vera lokið 1. júlí 2009.