Hvatapeningar ársins 2008
Hvatapeningar ársins 2008 eru nú aðgengilegir á Mínum Garðabæ. Hvatapeningar ná í ár til allra barna og ungmenna á aldrinum 6-18 ára og nema þeir 25.000 krónum.
Til að nýta hvatapeningana er nauðsynlegt að hafa lykilorð að Mínum Garðabæ. Þeir sem ekki eiga lykilorð geta smellt á "Gleymt lykilorð" eða á "Ertu nýr íbúi í Garðabæ", eftir því sem við á, á innskráningarsíðunni. Einnig er hægt að senda tölvupóst á netfangið gardabaer@gardabaer.is.
Þeir sem æfa með Stjörnunni, eru í Skátafélaginu Vífli eða í Taflfélagi Garðabæjar geta greitt hvatapeninginn beint inn á greiðsluseðil frá félaginu þegar þeir hafa skráð sig inn á Minn Garðabæ. Aðrir greiða fullt gjald til síns félags eða skóla og geta fengið hvatapeninginn endurgreiddan gegn framvísun kvittunar.