Hofstaðaskóli flaggar Grænfánanum
Hofstaðaskóli hefur náð að uppfylla nauðsynleg skilyrði til að fá að flagga Grænfánanum, fyrstur skóla í Garðabæ. Grænfáninn er alþjóðlegt merki um gott umhverfisstarf og menntun í skólnum. Hofstaðaskóli hefur með þessu náð langþráðu markmiði sem um 20.000 skólar í um 40 löndum keppa um, en um 7000 skólar hafa náð.
Grænfáninn verður afhentur Hofstaðaskóla við hátíðlega athöfn á degi íslenskrar tungu 16. nóvember 2007.
Gert er ráð fyrir að Grænfáninn blakti alla daga við skólann auk fána skólans og þjóðfánans.