Viltu keppa í spurningakeppni fyrir hönd Garðabæjar?
Nýr spurningaþáttur hefst í Sjónvarpinu í haust þar sem stærstu sveitarfélög landsins keppa sín á milli.
Þættirnir verða í beinni útsendingu á föstudagskvöldum og verður fyrsti þátturinn á dagskrá 14. september.
Sjónvarpið leitar nú að þriggja manna liði frá Garðabæ til að taka þátt í keppninni fyrir hönd bæjarins.
Þeir sem hafa áhuga á að taka þátt eða hafa ábendingar um Garðbæinga sem gætu keppt fyrir hönd bæjarins eru vinsamlegast beðnir um að koma þeim á framfæri sem allra fyrst með því að:
- senda tölvupóst á netfangið gardabaer@gardabaer.is eða
- hringja í Bæjarskrifstofur Garðabæjar í síma 525 8500.