Framkvæmdir á leikskólalóðum í sumar

Unnið er að framkvæmdum á lóðum leikskóla Garðabæjar í sumar.  Á leikskólanum Sunnuhvoli var útbúið smábarnasvæði fyrrihluta sumars. Rólum var fjölgað og í þær settar smábarnasæti. Sleðahóll var útbúinn úr uppfyllingarefni er kom úr smábarnasvæðinu.  Einnig má geta þess að á síðastliðnu ári voru ónýtar stéttar fjarlægðar á leiksvæði lóðarinnar og þær endurnýjaðar með malbiki.

Næst var Hæðarból tekið fyrir í júlí, en þá var framkvæmdur 3. áfangi endurgerðar lóðarinnar. Komið var upp garðskýli á leiksvæðinu, girðing smíðuð umhverfis smábarnasvæðið og hjólastígur malbikaður. Í fyrri áfanga var smábarnasvæðið útbúið og leiksvæði endurnýjað með rólum og kastala.

Framkvæmdir hófust nýlega á Lundabóli, en þar á að vinna leiksvæði á framlóð leikskólans.