Skólar í Garðabæ fengu styrk úr Endurmenntunarsjóði grunnskóla
Flataskóli, Hofsstaðaskóli og Sjálandsskóli í Garðabæ fengu nýverið styrki úr Endurmenntunarsjóði grunnskóla árið 2007. Endurmenntunarsjóður grunnskóla veitti í ár styrki til 86 verkefna en alls bárust sjóðnum 41 umsókn til 100 verkefna. Sjá nánar í frétt á heimasíðu Menntamálaráðuneytisins.
Sjálandsskóli fékk styrk að upphæð 150 000 kr fyrir verkefnið: Útikennsla.
Hofsstaðaskóli fékk styrk að upphæð 353 000 kr fyrir verkefnið: Fjölbreyttir kennsluhættir og námsmat.
Flataskóli fékk styrk að upphæð 64 000 kr fyrir verkefnið: Innleiðing SMT-skólafærni.
(SMT-skólafærni er innleitt í skólasamfélagið til að fyrirbyggja, draga úr og stöðva hegðunarfrávik og þar með skapa jákvætt andrúmsloft. Ólíkum hópum nemenda er mætt með samræmdum viðbrögðum alls starfsfólks þar sem áhersla er á að gefa jákvæðri hegðun gaum og almennt nálgast nemendur með jákvæðum hætti).
Nemendur í Sjálandsskóla sýna skólann sinn á opnu húsi í mars sl.