Stjarnan stendur sig vel í handboltanum
Meistaraflokkur kvenna í Stjörnunni varð Íslandsmeistari í handknattleik kvenna laugardaginn 31. mars eftir að vinna KA með 36 mörkum gegn 18.
Með sigrinum er Stjarnan komin með 7 stiga forystu í deildinni. Aðeins tveir leikir eru eftir á mótinu og því getur ekkert lið náð Stjörnunni að stigum. Stjörnustúlkur hafa spilað frábærlega í vetur og eiga sigurinn svo sannarlega skilinn.
Yngri flokkar Stjörnunnar hafa ekki síður staðið sig vel og á dögunum varð 4. flokkur kvenna deildarmeistari HSÍ þrátt fyrir að 2 leikir séu eftir.Stelpurnar hafa í vetur unnið 13 leiki og gert eitt jafntefli, þær hafa ekki tapað leik á árinu. Áður höfðu sömu stelpur unnið Bikarmeistaratitil. Takmarkið er nú sett á að vinna úrslitakeppni 4. flokks og verða þar með Íslandsmeistarar.
Sjá einnig fréttir á heimasíðu Stjörnunnar, www.stjarnan.is