Frönsk sýning í Hönnunarsafni Íslands
Franskt menningarvor á Íslandi er viðamikil frönsk menningarveisla sem stendur yfir á Íslandi vorið 2007. Frönsku listamennirnir M/M sem er samstarfsverkefni Mathias Augustyniak og Michael Amzalag eru meðal þeirra listamanna sem taka þátt í frönsku menningarvori með sýningu í Hönnunarsafni Íslands í Garðabæ.
Í samstarfi við listakonuna Gabríelu Friðriksdóttur hafa þeir unnið skissur og teikningar í sýningarsal safnsins að Garðatorgi. Teikningarnar tengjast vinnu við útilistaverk sem verður sett upp á Urriðaholti með vorinu í samstarfi við landeigendur.
Sýningin opnaði sunnudaginn 4. mars sl. og verður til sýnis næstu vikur í sýningarsal safnsins að Garðatorgi 7 (á hæðinni fyrir ofan Bókasafn Garðabæjar). Gera má ráð fyrir að sýningin þróist í takt við frekari vinnu sem fer fram hjá M/M við undirbúning útilistaverksins á Urriðaholti.
Sýningarsalur Hönnunarsafns Íslands er staðsettur að Garðatorgi 7, Garðabæ.
Opið um helgar frá 14-18 og virka daga frá kl. 16-18 (nema mánudaga).
Allir velkomnir, ókeypis aðgangur.
Sjá nánari upplýsingar um sýninguna og listamennina hér.
