Í góðu yfirlæti í Þórsmörk
Nemendur Garðaskóla sem eru í útskriftarferð í Þórsmörk eru í góðu yfirlæti eftir hrakninga á leiðinni
Nemendur í 10. bekk í Garðaskóla sem eru í útskriftarferð í Þórsmörk eru þar í góðu yfirlæti eftir hrakninga á leiðinni. Nemendurnir lentu í þeirri óskemmtilegu reynslu að rútan sem þeir voru í, ásamt tveimur kennurum, festist í Krossá og tók um hálftíma að ná henni upp úr aftur.
Vatn flæddi inn í farangursrými rútunnar og því er hluti af farangri nemendanna blautur og er verið að aka með hann aftur í Garðabæinn.
Nánari upplýsingar eru á vef Garðaskóla og í Garðalundi í síma 590 2575.