Málþing um Búrfellshraun
Málþing tileinkað minningu Guðmundar Kjartanssonar jarðfræðings verður haldið þriðjudaginn 21. maí í Náttúrufræðistofnun Íslands við Urriðaholt í Garðabæ.
Síðasta rannsóknarverkefni Guðmundar var aldursgreining og kortlagning Búrfellshrauns sem er samheiti á mörgum hraunum í Garðabæ og Hafnarfirði og runnið hafa frá Búrfellsgíg til sjávar. Guðmundur lést árið 1972.
Á málþinginu verður fjallað um Guðmund og störf hans. Þá verður fjallað um Búrfellshraun frá ólíkum hliðum, m.a. um fornminjar og örnefni í hrauninu.
Málþingið verður frá kl. 13.15 til 16.15 og að því loknu verður farið að Bala, staðar á bæjamörkum Garðabæjar og Hafnarfirðar og neðan Hrafnistu, þar sem bæjarstjórar Garðabæjar og Hafnarfjarðar, kynna sameiginlegt verkefni.
Að þessu málþingi standa auk Garðabæjar og Hafnarfjarðarbæjar, Náttúrufræðistofnun Íslands og félagið Hraunavinir.