Garðbæingum fjölgar
Garðbæingum fjölgar
Alls fluttu 222 einstaklingar til Garðabæjar á fyrsta fjórðungi þessa árs. Á sama tíma fluttu 165 frá Garðabæ. Aðfluttir Garðbæingar eru því 57 umfram þá sem fluttu frá bænum á þessum tíma. Þetta kemur fram í nýrri fréttatilkynningu Hagstofu Íslands um búferlaflutninga janúar-mars 2002.
Aðfluttir umfram brottflutta eru flestir í Kópavogi (156) á þessum tíma, næstflestir í Hafnarfirði (126) en Garðbær kemur í þriðja sæti með 57 nýja Garðbæinga umfram þá sem fluttu brott.
Af þeim 222 einstaklingum sem fluttu til Garðabæjar mánuðina janúar til mars 2002 komu 157 frá öðrum sveitarfélögum á höfuðborgarsvæðisins, 23 frá landsbyggðinni og 42 frá útlöndum.
Sjá nánar í frétt á vef Hagstofu Íslands.