Fótbolti fyrir alla hafinn að nýju
Fótboltaæfingar fyrir börn, sem geta ekki nýtt sér hefðbundið barna- og unglingastarf sinna félaga, hófust aftur í Ásgarði í lok janúar
Fótboltaæfingar fyrir börn, sem geta ekki nýtt sér hefðbundið barna- og unglingastarf sinna félaga, hófust aftur í Ásgarði í lok janúar.
Verkefnið heitir Fótbolti fyrir alla og upphafsmaður þess er Ýr Sigurðardóttir barnalæknir. Námskeiðin njóta mikilla vinsælda og ekki spillir fyrir að þjálfararnir í ár eru engir aðrir en Íslandsmeistararnir Ásgerður Stefanía Baldursdóttir og Gunnhildur Yrsa Jónsdóttir.
Á vefnum fótbolti.net birtist nýlega skemmtileg myndasyrpa frá námskeiðinu.
Myndin er af vefnum fótbolti.net, ljósmyndari: Eva Björk Ægisdóttir.