Ný reiðleið frá Kjóavöllum um Grunnuvötn í Heiðmörk
Ný reiðleið frá Kjóavöllum um Grunnuvötn í Heiðmörk var tekin í notkun með formlegum hætti fimmtudaginn 22. nóvember sl.
-
Ný reiðleið frá Kjóavöllum tekin í notkun
Ný reiðleið frá Kjóavöllum um Grunnuvötn í Heiðmörk var tekin í notkun með formlegum hætti fimmtudaginn 22. nóvember sl. Gunnar Einarsson, bæjarstjóri Garðabæjar og Sigurður Ingi Jóhannsson samgöngu- og sveitarstjórnarráðherra klipptu á borða við upphaf reiðleiðarinnar og hestafólk úr hestamannafélaginu Spretti fengu sér reiðtúr um nýju leiðina.
Reiðleiðin er um 6,5 km að lengd og fer frá Kjóavöllum um Grunnuvötn í Heiðmörk í kringum Sandahlíð. Hestamannafélagið Sprettur sá um framkvæmdina við gerð reiðleiðarinnar og Garðabær kom til móts við ríkið um fjármögnun leiðarinnar með 10 milljón króna framlagi. Ráðist var í þessa framkvæmd eftir að deiliskipulag fyrir Heiðmörk var samþykkt nýverið.
Nýja reiðleiðin bætir aðstöðuna á Kjóavöllum fyrir hestafólk og er hluti af því að gera svæðið enn betra þegar landsmót hestamanna verður haldið þar árið 2022.
