4. jún. 2025

Samningur Garðabæjar og KSÍ undirritaður í Miðgarði

Garðabær og Knattspyrnusamband Íslands (KSÍ) hafa gert með sér samningu um afnot KSÍ að fjölnota íþróttahúsinu Miðgarði. Samningurinn var undirritaður í Miðgarði 27. maí og gildir hann frá 1. október 2025 til 3. mars 2028.

KSÍ fær til afnota aðstöðu á skilgreindum rýmum í Miðgarði á tilteknum tímum dagsins, en um er að ræða bæði knattspyrnusalinn og stoðrými, svo sem búningsaðstöðu, sjúkraherbergi, fundar- og mataraðstöðu, dómara- og þjálfaraherbergi og þrekæfingasvæði með gervigrasi.

^{Guðbjörg Linda Udengard sviðsstjóri fræðslu- og frístundasviðs, Hrannar Bragi Eyjólfsson formaður íþrótta- og tómstundaráðs, Almar Guðmundsson bæjarstjóri Garðabæjar, Þorvaldur Örlygsson formaður KSÍ og Eysteinn Pétur Lárusson framkvæmdastjóri KSÍ.}