Samstarfssamningur við Grósku endurnýjaður
Þann 12. apríl sl. var undirritaður samstarfssamningur milli Garðabæjar og myndlistarfélagsins Grósku til tveggja ára.
-
Frá undirritun samningsins.
Þann 12. apríl sl. var undirritaður samstarfssamningur milli Garðabæjar og myndlistarfélagsins Grósku til tveggja ára. Gróska sér nú fram á bjartari tíma en vorsýning félagsins verður opnuð á sumardaginn fyrsta, 22. apríl í Gróskusalnum á Garðatorgi 1.
Gunnar Einarsson bæjarstjóri og Rúna Tetzchner formaður Grósku rituðu undir samninginn en viðstödd voru Gunnar Valur Gíslason formaður menningar- og safnanefndar, varaformaður Grósku Louise le Roux og menningarfulltrúi Garðabæjar Ólöf Breiðfjörð.
Nánari upplýsingar um starf Grósku má finna á fésbókarsíðu félagsins.