Snyrtilegt umhverfi
Umhverfisnefnd Garðabæjar auglýsir eftir ábendingum frá bæjarbúum í tengslum við árlegar umhverfisviðurkenningar nefndarinnar um t.d. snyrtilegar lóðir íbúðarhúsnæðis og fyrirtækja og eftirtektarverðan árangur íbúa eða fyrirtækis í flokkun og úrgangsstjórnun.
Umhverfisnefnd Garðabæjar veitir árlega umhverfisviðurkenningar og auglýsir nú eftir ábendingum frá bæjarbúum um:
- Snyrtilegar lóðir íbúðarhúsnæðis og fyrirtækis 2021
- Snyrtileg opin svæði og snyrtilega götu
- Íbúa eða fyrirtæki sem hafa sýnt góðan eða eftirtektarverðan árangur sem tengist flokkun og betri úrgangsstjórnun
Hægt er að skila ábendingum í þjónustuver Garðabæjar, Garðatorgi 7, eða senda tölvupóst á netfangið: gardabaer@gardabaer.is fyrir 8. júlí nk.