24. júl. 2020

Sumarfjör í blíðskaparveðri

Það var góð stemning á Garðatorgi fimmtudaginn 23. julí sl. þegar ,,Sumarfjör á Garðatorgi" hélt áfram göngu sína.  Boðið var upp á skemmtilega dagskrá síðdegis þar sem hægt var að taka þátt í kúluhúsasmiðju fyrir framan Hönnunarsafnið og útkoman var fallegt blómi skreytt kúluhús með þátttöku fjölmargra barna og fullorðna.  Um 18 leytið mættu þeir Ásgeir Ásgeirs­son gítarleikari, Haukur Gröndal saxófónleikari og Birgir Steinn Theódórsson bassaleikari og léku ljúfa djasslög fyrir gesti og gangandi.  Gestir gátu einnig kíkt við í verslunum á torginu, verslað veitingar og skoðað sýningar í Hönnunarsafninu og kíkt við á Bókasafni Garðabæjar en söfnin voru með opið lengur í tilefni dagsins. 

Á Garðatorgi er búið að setja upp nokkra minni gervigrasfleti, bekki og borð, til að skapa sumarstemningu og gestir sem eiga leið um torgið hafa verið duglegir að nýta sér svæðin í sumar.  

Fleiri myndir frá sumarfjörinu 23. júlí sl. má sjá á fésbókarsíðu Garðabæjar. 

ATH (uppfært 30. júlí 2020) Hinsegin fjöri hefur verið frestað vegna hertra samkomutakmarkana sem verða í gildi frá hádegi 31. júlí til og með 13. ágúst nk. 

Hinsegin fjör 6. og 8. ágúst - frestað

Fimmtu­dag­inn 6. ág­úst verður sumarfjörið til­einkað Hinseg­in dög­um og þá verður meðal annars boðið upp á Drag­Stund með dragdrottn­ing­unni Starínu við Hönn­un­arsafnið, tónlist og götuskreytingar. Laugardaginn 8. ágúst verður m.a. regnbogasmiðja, arabískt danspartí og sirkusatriði á Garðatorgi.  

Dagskrána í heild sinni má sjá hér.