Tilgangur og hlutverk almannavarna
Í vikunni var boðið upp á kynningu á tilgangi og hlutverki almannavarna, bæði á landsvísu og á höfuðborgarsvæðinu, fyrir fulltrúa í nýrri almannavarnanefnd á höfuðborgarsvæðinu. Einnig fengu fulltrúar í neyðarstjórnum sveitarfélaganna og bæjar- og borgarfulltrúar boð á kynningarfundina.
-
Þátttakendur á kynningarfundi um almannavarnir
Í vikunni var boðið upp á kynningu á tilgangi og hlutverki almannavarna, bæði á landsvísu og á höfuðborgarsvæðinu, fyrir fulltrúa í nýrri almannavarnanefnd á höfuðborgarsvæðinu. Einnig fengu fulltrúar í neyðarstjórnum sveitarfélaganna og bæjar- og borgarfulltrúar boð á kynningarfundina. Haldnir voru tveir fundir með sömu dagskrá til að gera sem flestum tækifæri til að koma.
Farið var yfir uppbyggingu almannavarnakerfisins samkvæmt lögum, hlutverk aðgerðarstjórnar höfuðborgarsvæðisins, hlutverk almannavarnanefnda og fulltrúa í almannavarnanefnd. Einnig var farið yfir hlutverk neyðarstjórna sveitarfélaganna, en sveitarfélögin á höfuðborgarsvæðinu hafa starfrækt neyðarstjórnir frá árinu 2012, sem hafa marg sannað mikilvægi sitt í gegnum árin og nú síðast í heimsfaraldri COVID-19. Einnig var farið fyrirferðarmikil verkefni síðustu ára, meðal annars COVID-19, gróðurelda, viðbragðsáætlanagerðir og fleira. Einnig verkefni sem eru á döfinni svo sem gerð starfsáætlunar, hættumats, æfingar, fræðslu og prófana á viðbragðsáætlunum svo eitthvað sé nefnt.
Lögreglustjórinn á höfuðborgarsvæðinu Halla Bergþóra Björnsdóttir ásamt aðstoðarlögreglustjóra Ásgeiri Þór Ásgeirssyni og framkvæmdastjóri almannavarnanefndarinnar, Birgir Finnsson og deildarstjóri almannavarna á höfuðborgarsvæðinu Þóra Kristín Ásgeirsdóttir sáu um fræðsluna.