Truflun á umferð um helgina við Vífilsstaðavatn
Um helgina, 26.-27. september, fara fram fjallahjólakeppnin Landsnet MTB og utanvegahlaupið Eldslóðin í upplandi Garðabæjar. Lokað verður inn á Elliðavatnsveginn (í átt að Hafnarfirði) fyrir neðan Vífilsstaði á meðan á keppnunum stendur frá kl. 12-17 á laugardag og sunnudag.
-
Lokun við Elliðavatnsveg frá kl. 12-17 helgina 26.-27. september
Um helgina, 26.-27. september, fara fram fjallahjólakeppnin Landsnet MTB og utanvegahlaupið Eldslóðin í upplandi Garðabæjar. Þessar keppnir eru nýjar af nálinni og eru hluti af svo kallaðri Víkingamótaröð á vegum Meðbyrs ehf.
Lokanir við Elliðavatnsveg frá 12-17 dagana 26.-27. september
Lokað verður inn á Elliðavatnsveginn fyrir neðan Vífilsstaði á meðan á keppnunum stendur frá kl. 12-17:00 laugardaginn 26. september og sunnudaginn 27. september. Áfram verður hægt að keyra Elliðavatnsveg úr Garðabæ inn í Kópavog en ekki hægt að fara frá Garðabæ til Hafnarfjarðar eftir Elliðavatnsveginum.
Bílaumferð að bílastæðunum vestan og sunnan við Vífilsstaðavatn verður lokað á sama tíma en hægt er að nota bílastæði í nágrenni Vífilsstaða á meðan. Aðgengi að allri starfssemi á svæðunum, s.s. Golfvöll GKG og að Vífilsstöðum verður opin og lokun á umferð á ekki við um forgangs umferð viðbragðsaðila lögreglu, slökkvi- eða sjúkraliða.
Fjallahjóla keppnin er ræst klukkan 14:00 á laugardag og utanvegahlaupið er ræst klukkan 12:00 á sunnudag. Hlaupið verður ræst í hólfum og öllum fyrirmælum yfirvalda um sóttvarnir verður fylgt eftir. Allir eru velkomnir á svæðið til að fylgjast með og á svæðinu verða matarvagnar og ýmislegt fleira.
Um keppnirnar
Fjallahjólakeppnin Landsnet MTB hefst laugardaginn 26. september kl. 14:00. Hjólað er frá Vífilsstöðum upp með Vífilsstaðaveginum og þar inn á línuveg Landsnets sem gengur ofarlega við Vífilsstaðavatnið. Þaðan er hjólað að Elliðavatni, inn í Búrfellshraunið og inn að Búrfellsgjár veginum og síðan aftur til hægri meðfram Heiðmerkur veginum og inn að Vífilstöðum aftur.
Utanvegahlaupið Eldslóðin hefst sunnudaginn 27. september kl. 12:00. Hlaupið er frá Vífilsstöðum í meðfram Vífilsstaðavatni inn að Búrfellsgjá og upp að Helgafelli og hringinn í kringum það og svo sem leið liggur til baka en þetta er 28km utanvegahlaup. Einnig eru í boði vegalengdirnar 5km og 10km og hægt að keppa í liðakeppni í 28km vegalengdinni.
Hér er hægt að lesa nánar um keppnirnar sem eru hluti af Víkingamótaröðinni.
Hér má sjá kort af hjólaleiðinni - laugardaginn 27. september:
Hér má sjá kort af hlaupaleiðinni sunnudaginn 27. september:
