Útskriftardagur í leikskólanum Ökrum
Í byrjun júní var haldin flott útskrift í leikskólanum Ökrum fyrir elstu nemendurna í leikskólanum sem eru að fara hefja grunnskólagöngu í haust.
-
Útskriftarhópur í leikskólanum Ökrum
Í byrjun júní var haldin flott útskrift í leikskólanum Ökrum fyrir elstu nemendurna í leikskólanum sem eru að fara hefja grunnskólagöngu í haust.
Um morguninn 4. júní var generalprufa í leikskólanum þar sem börnin sungu fyrir allan leikskólann og því næst var haldið í útskriftarferð í Ölver undir Hafnarfjalli.
Síðdegis þegar heim var komið mættu börnin í leikskólann ásamt foreldrum og systkinum. Þar sungu börnin fyrir gesti inni á sal skólans og gekk það einstaklega vel enda börnin búin að vera á sérstökum kóræfingum frá áramótum. Auk þess að syngja þrjú lög voru börnin búin að búa til hljóðfæri sem voru notuð sem leikmunir í laginu ,,Think about things" með Daða og Gagnamagninu og dönsuðu að sjálfsögðu með. Það er óhætt að segja að söngurinn sem og dansinn sló í gegn. Útskriftarathöfnin var vel heppnuð í alla staði og stolt börn, foreldrar og starfsfólk sem fór heim úr skólanum þennan dag.