Vel sóttar lýðheilsugöngur
Miðvikudaginn 26. september sl. var haldið í sögugöngu um Bessastaði. Anna Ólafsdóttir Björnsson sagnfræðingur leiddi göngu frá Bessastaðakirkju út í Skansinn.
-
Anna Ólafsdóttir Björnsson leiðir sögugöngu
Miðvikudaginn 26. september sl. var haldið í sögugöngu um Bessastaði. Anna Ólafsdóttir Björnsson sagnfræðingur leiddi göngu frá Bessastaðakirkju út í Skansinn. Fjölmennt var í göngunni eða hátt í 100 manns. Á miðvikudaginn var ágætis gönguveður, bjart og þurrt, en svo heppilega vill til að það hefur viðrað vel alla miðvikudaga í september þegar boðið hefur verið upp á lýðheilsugöngur í Garðabæ.
Meðfylgjandi ljósmyndir með frétt eru frá Erlu Bil Bjarnardóttur.
Þetta er annað árið í röð sem Garðabæjar tekur þátt í verkefni Ferðafélags Íslands um lýðheilsugöngur í september og um leið eru göngurnar áframhald vinsælla sögu- og fræðslugangna Garðabæjar sem hafa verið farnar á undanförnum árum.
Tilgangurinn með verkefninu er að hvetja fólk á öllum aldri til útivistar og hreyfingar í góðum félagsskap og efla þar með heilsu sína og lífsgæði.