Forsetakosningar 27. júní 2020
Forsetakosningar verða haldnar laugardaginn 27. júní nk. Í Garðabæ verður kosið á tveimur stöðum í íþróttahúsinu Mýrinni við Skólabraut og í nýjum hátíðarsal Álftanesskóla við Breiðumýri.
-
Bessastaðir
Forsetakosningar verða haldnar laugardaginn 27. júní nk. Í Garðabæ verður kosið á tveimur stöðum í íþróttahúsinu Mýrinni við Skólabraut og í nýjum hátíðarsal Álftanesskóla við Breiðumýri. Kjörfundur hefst kl. 09:00 og stendur til kl. 22:00 þann 27. júní.
Ástæða þess að kjörfundur er færður í íþróttahúsið Mýrina (í staðinn fyrir Fjölbrautaskólann í Garðabæ eins og í síðustu kosningum) er til að koma til móts við tilmæli yfirkjörstjórnar um að umferð kjósenda sé með þeim hætti að inn- og útgangur úr kjördeildum sé ekki sá sami. Þá verða fjarlægðartakmarkanir tryggðar eins og kostur er. Kjósendur ganga inn um aðalinngang en gengið verður út um hurðir á vesturgafli hússins í Mýrinni.
Upplýsingar um kosningarnar eru að finna á kosningavef Stjórnarráðsins, kosning.is.
Einnig má finna hér á vef Garðabæjar upplýsingar um kjördeildir og kjörskrá.