Ljósin tendruð á jólatrénu á Garðatorgi
Það var fallegt vetrarveður úti þegar leikskólabörn úr Garðabæ komu saman á Garðatorgi til að tendra ljósin á jólatrénu á Garðatorgi föstudaginn 25. nóvember.
Það var fallegt vetrarveður úti þegar leikskólabörn úr Garðabæ komu saman á Garðatorgi til að tendra ljósin á jólatrénu á Garðatorgi föstudaginn 25. nóvember. Elstu börn úr leikskólum bæjarins fjölmenntu á torgið og áttu þar hugljúfa jólastund saman, Almar Guðmundsson bæjarstjóri heilsaði upp á börnin og fékk þau til að telja niður saman þegar ljósin voru tendruð á jólatrénu. Jólatréð kemur að þessu sinni úr garði íbúa í Víðilundi.
Það vakti líka mikla lukku þegar jólasveinar komu fyrr til byggða að heilsa upp á börnin sem voru mætt á Garðatorg. Þeir stöldruðu við og sungu nokkur jólalög með börnunum og kvöddu þau svo með því að færa þeim mandarínu að gjöf. Fleiri myndir má sjá á facebook síðu Garðabæjar.
Á morgun laugardaginn 26. nóvember verður svo upphafi aðventu fagnað með dagskrá fyrir alla fjölskylduna frá 13-16 á Garðatorgi. Sjá nánar hér í viðburðadagatalinu.
