Sala á byggingarrétti í Hnoðraholti norður - 2. áfangi
Garðabær auglýsir til sölu byggingarrétt á lóðum í 2. áfanga uppbyggingar í Hnoðraholti norður.
Íbúðabyggð á Hnoðraholti norður er einstaklega vel staðsett þar sem íbúar á öllum aldri geta notið þeirra gæða sem hverfið sjálft og aðliggjandi svæði bjóða upp á.
Í 2. áfanga er um að ræða sölu á byggingarrétti fyrir 1 parhúsalóð , 10 raðhúsalóðir, 23 einbýlishúsalóðir og 5 fjölbýlishúsalóðir.
Lóðirnar eru byggingarhæfar og geta nýir lóðarhafar hafið uppbyggingu í byrjun næsta árs.
Á kortavef Garðabæjar má finna upplýsingar um lausar lóðir. Í felliglugga hægra megin er ýtt á "lausar lóðir" og birtast þá þær lóðir sem eru lausar til úthlutunar að þessu sinni, hver lóðartegund hefur sinn einkennislit.
Hnoðraholt norður er íbúðahverfi með áherslur á fjölbreyttar húsagerðir sem falla vel að núverandi byggð. Hverfið mun taka mið af anda staðar og þeirra umhverfisgæða sem Hnoðraholtið býður upp á til að tryggja lífsgæði íbúa.
Lögð er áhersla á að íbúar njóti þeirra gæða sem einkenna hverfið með tilliti til náttúru og víðáttumikils útsýnis. Stutt er í alla útivist og fjölbreytta íþróttaiðkun, til að mynda í íþróttahúsinu Miðgarði í Vetrarmýri.
Hnoðraholtið er einstaklega vel staðsett hverfi þar sem íbúar á öllum aldri geta notið þeirra gæða sem hverfið sjálft og aðliggjandi svæði bjóða upp á. Lögð er áhersla á góðar samgöngutengingar fyrir akandi, hjólandi og gangandi vegfarendur.
Allar nánari upplýsingar má finna hér:
Hnoðraholt norður - lausar lóðir
Tilboðsgerð
- Fasteignasalan Torg , Garðatorg eignamiðlun, Fasteignasalan Miklaborg og Fasteignamarkaðurinn annast sölu á byggingarrétti lóðanna fyrir Garðabæ og veita allar upplýsingar vegna tilboðsgerðar.
- Tilboð í byggingarrétt lóðanna þurfa að berast til fasteignasala fyrir kl. 12:00 föstudaginn
17. nóvember 2023 og gilda til kl. 12:00 fimmtudaginn 23. nóvember 2023. - Tilboð verða opnuð og tekin fyrir á fundi bæjarráðs Garðabæjar kl. 08:00 þriðjudaginn 21. nóvember 2023.