Upphaf skólaárs í Garðabæ
Skólasetning grunnskólanna í Garðabæ var í gær þriðjudaginn 23. ágúst og hófst kennsla skv. stundaskrá í dag 24. ágúst. Í vetur hefja 2570 nemendur nám í 1.-10. bekk í öllum grunnskólum í Garðabæ. Þar af er 231 barn er skráð í 1. bekk.
-
Deildin tekur til starfa í haust og innritun er hafin. Starfið í leikskóladeildinni samtvinnast markvisst við grunnskólann og börnin taka þátt.
Skólasetning grunnskólanna í Garðabæ var í gær þriðjudaginn 23. ágúst og hófst kennsla skv. stundaskrá í dag 24. ágúst. Í vetur hefja 2570 nemendur nám í 1.-10. bekk í öllum grunnskólum í Garðabæ. Þar af er 231 barn er skráð í 1. bekk en þeim hópi var boðið að dvelja á frístundaheimilum skólanna dagana áður en skólastarf hófst til að kynnast nýju umhverfi, húsnæði, skólalóð og starfsfólki skólanna.
Starfsmenn hafa undanfarna daga unnið að skipulagi skólastarfsins og hlakka til að takast á við nýtt skólaár en þau síðustu hafa einkennst af samkomutakmörkunum vegna heimsfaraldurs.
Gengið vel að fá kennara en vantar starfsfólk á frístundaheimili
Góð staða er í grunnskólum bæjarins hvað varðar mönnun og ráðningar en vel hefur gengið að fá kennara og annað starfsfólk til starfa. Þó vantar að ráða inn starfsmenn í nokkrar stöður stuðningsfulltrúa sem og á frístundaheimilin.
Öll börn sem skráð voru í frístund fyrir 1. ágúst sl. hafa fengið staðfesta dvöl. Alls eru 466 börn komin með staðfesta vistun í frístundaheimilum í Garðabæ. 100 börn, sem öll voru skráð í frístund í ágúst eru á biðlista þar sem ekki hefur tekist að ráða starfsfólk á öll heimilin. Unnið er hörðum höndum af því að ráða inn fólk og vonir standa til að börnin komist að fljótlega.
Hægt er að sækja um störf í grunnnskólum og frístundaheimilum hér.