Framkvæmdir við fjölnota íþróttahús
Miðvikudaginn 28. ágúst mætti fyrsti steypubíllinn á svæðið og hafist var handa við að steypa sökkul undir fyrsta útvegginn í fjölnota íþróttahúsi í Vetrarmýri.
-
Útveggur steyptur í fjölnota íþróttahúsi í Vetrarmýri
Framkvæmdir við fjölnota íþróttahúsið sem nú er í byggingu í Vetrarmýri eru nú í fullum gangi og miðar vel. Miðvikudaginn 28. ágúst mætti fyrsti steypubíllinn á svæðið og hafist var handa við að steypa sökkul undir fyrsta útvegginn í húsinu. Næst verður farið í að útbúa fráveitu undir húsinu og svo verða áframhaldandi framkvæmdir við grundun hússins.
Hönnun á húsinu hófst í byrjun þessa árs og í vor eða 3. maí sl. var skóflustunga tekin að byggingu hússins í Vetrarmýri, landi Vífilsstaða. Gert er ráð fyrir að verklok verði í apríl 2021.
Fjölnota íþróttahúsið verður með rými fyrir knattspyrnuvöll í fullri stærð innanhúss auk upphitunaraðstöðu ásamt tilheyrandi stoðrýmum. Stærð íþróttasalarins verður um 80x120 m, með anddyri og öðrum stoðrýmum er flatarmál hússins um 18.200m².