Frístundabíllinn stoppar í Miðgarði
Akstursleiðir frístundabílsins í Garðabæ breyttust 7. febrúar sl. þar sem búið er að bæta við stoppi í Miðgarði á öllum þremur leiðum frístundabílsins. Frá og með sunnudeginum 20. febrúar nk. verður hægt að taka strætó, leið 22, sem stoppar við Miðgarð.
-
Miðgarður í Vetrarmýri
Fyrsta æfingin í Miðgarði fór fram um síðustu helgi og nú eru æfingar komnar á fullt í þessu nýja fjölnota íþróttahúsi í Vetrarmýri. Akstursleiðir frístundabílsins í Garðabæ, sem keyrir börn frá frístundaheimilum grunnskóla í íþrótta- og tómstundastarf, breyttust 7. febrúar sl. þar sem búið er að bæta við stoppi í Miðgarði á öllum þremur leiðum frístundabílsins.
Strætó á leið 22 keyrir í Miðgarð frá 20. febrúar
Frá og með sunnudeginum 20. febrúar nk. verður hægt að taka strætó sem stoppar við Miðgarð. Leið 22 bætir við stoppi við Miðgarð á leið sinni milli Ásgarðs og Urriðaholts. Nánari upplýsingar með uppfærðri tímatöflu verða settar inn á vef Strætó fyrir 20. febrúar nk.