Skapandi sumarsmiðjur á bókasafninu
Á Bókasafni Garðabæjar við Garðatorgi verður boðið upp á fjölbreytt starf fyrir börn og ungmenni í sumar. Á fimmtudögum kl.13 verður boðið upp á sérstakar lista- og sköpunarsmiðjur og á föstudögum eru sumarsmiðjur frá 10-12.
-
Fimni á fimmtudögum - skapandi smiðja á Bókasafni Garðabæjar
Á Bókasafni Garðabæjar við Garðatorgi verður boðið upp á fjölbreytt starf fyrir börn og ungmenni í sumar. Bókasafn Garðabæjar á Garðatorgi opnar kl. 9 og það er alltaf velkomið að koma snemma og hanga, lesa eða spjalla.
Fimni á fimmtudögum kl. 13
Á fimmtudögum verður boðið upp á sérstakar lista- og sköpunarsmiðjur í umsjón sumarstarfsmanns undir heitinu ,,Fimni á fimmtudögum". Fimmtudaginn 23. júní var fyrsta fimni- smiðjan haldin en þá var haldin stórskemmtileg klippimyndasmiðja á bókasafninu undir leiðsögn Thelmu sumarstarfsmanns safnsins. Fimmtudagssmiðjurnar eru ókeypis og opnar öllum. Fimmtudagssmiðjurnar verða í boði fram til lok júlí. Hér í viðburðadagatalinu má sjá dagskrá í fimmtudagssmiðjunum.
Föstudagssmiðjur kl. 10-12
Alla föstudaga í sumar verða í boði fjölbreyttar sumarsmiðjur fyrir börn frá kl. 10-12 í safninu á Garðatorgi. Fyrsta smiðjan var haldin föstudaginn 14. júní og síðasta föstudagssmiðjan verður haldin 12. ágúst. Smiðjurnar eru ókeypis og opnar öllum börnum. Í föstudagsssmiðjunum verður m.a. perlað, farið í fánagerð, föndrað, spilað, hlustað á tónlist og farið í leiki. Hér má sjá dagskrá í föstudagssmiðjunum.
Lestrarhestur vikunnar í sumarlestri safnsins er dreginn út kl. 12:00 alla föstudaga.