Fréttir: janúar 2018 (Síða 2)

Meistaraflokkur kvenna í hópfimleikum hjá Stjörnunni var valið lið ársins á íþróttahátíð Garðabæjar sem fór fram 8. janúar sl. Þá var einnig tilkynnt um val á viðurkenningu fyrir þjálfara árins sem að þessu sinni var Halldór Ragnar Emilsson þjálfari í knattspyrnudeild Stjörnunnar.

Á íþróttahátíð Garðabæjar sem fór fram 8. janúar sl. voru veittar viðurkenningar fyrir framlag til íþrótta- og æskulýðsstarfs. Í ár voru það Halldór Klemenzson, Golfklúbbi Álftaness og Guðrún Jónsdóttir, Stjörnunni sem hlutu þær viðurkenningar.

Í janúar og febrúar verða haldnir íbúafundir með Gunnari Einarssyni bæjarstjóra og sviðsstjórum Garðabæjar þeim Margréti Björk Svavarsdóttur forstöðumanni fræðslu- og menningarsviðs, Bergljótu Sigurbjörnsdóttur forstöðumanni fjölskyldusviðs og Eysteini Haraldssyni forstöðumanni tækni- og umhverfissviðs.

Stúlkurnar í meistaraflokki Álftaness urðu Íslandsmeistarar í innanhússknattspyrnu síðastliðinn sunnudag. Þær spiluðu gegn Breiðablik í úrslitum og unnu öruggan sigur.

Íþróttamenn Garðabæjar árið 2017 eru Andrea Sif Pétursdóttir fimleikakona úr Stjörnunni og Pétur Fannar Gunnarsson dansari í Dansfélagi Reykjavíkur.

Sunnudaginn 7. janúar taka í gildi umfangsmiklar breytingar á þjónustustigi Strætó bs. Þjónustutími verður lengdur á leiðum 1, 2, 3, 4, 5, 6, 11, 12, 15 og 18 til klukkan 01:00 á kvöldin. Sex leiðir verða í næturakstri úr miðbæ Reykjavíkur aðfaranætur laugar- og sunnudaga.

Hjálparsveit Skáta í Garðabæ sér um að hirða jólatré í öllum hverfum Garðabæjar sunnudaginn 7. janúar (og mánudaginn 8. janúar).