Fréttir: 2022 (Síða 16)

Vegna frétta um vatn umhverfis Miðgarð er rétt að láta vita af því að engar eða sáralitlar skemmdir urðu á Miðgarði vegna þess og hefur starfsemi hússins ekki raskast á neinn hátt. Allar íþróttaæfingar eru á áætlun í húsinu.

Klifurveggur hefur verið settur upp í Miðgarði, nýju fjölnota íþróttahúsi Garðabæjar. Klifurveggurinn er hannaður og byggður af fyrirtækinu Walltopia í Búlgaríu.

Auglýst er eftir umsóknum um styrki í Hvatningarsjóð fyrir unga hönnuði og listamenn í Garðabæ.

Garðabær hefur auglýst til umsóknar fjölbreytt sumarstörf fyrir ungt fólk árið 2022. Minnt er á að umsóknarfrestur rennur út mánudaginn 7. mars nk.

Fundur bæjarstjórnar Garðabæjar fimmtudaginn 3. mars sl. var merkilegur fyrir þær sakir að þetta var 900. fundur bæjarstjórnar frá upphafi en fyrsti fundur bæjarstjórnar Garðabæjar var haldinn 6. janúar 1976 en í byrjun þess árs fékk Garðabær kaupstaðarréttindi. 

Laugardaginn 5. mars klukkan 15 verður opnun sýningarinnar Sund í Hönnunarsafninu fagnað en sýningin hefur verið opin almenningi frá því í febrúar. Þá verður einnig innflutningsboð hjá vöruhönnuðunum sem kalla sig Studio Allsber en þær eru í vinnustofudvöl í safninu. 

Kátir krakkar í skrautlegum búningum lögðu margir leið sína í þjónustuver Garðabæjar á Öskudaginn í gær, miðvikudaginn 2. mars.

Í Garðabæ hefur verið unnið með öllum tækjum og þeim mannskap sem tiltækur er frá kl. 03 á nóttunni langt fram eftir degi í langan tíma til að vinna að snjómokstri og hálkuvörnum

Gul veðurviðvörun er í gildi á morgun miðvikudag 2. mars frá kl. 06:00 til kl.12:30. 

Sunnudaginn 6. mars klukkan 13 fer fram tóvinnusmiðja fyrir alla fjölskylduna sem Ásthildur Magnúsdóttir leiðir. 

Miðvikudaginn 2. mars kl. 12:15 heldur hádegistónleikaröðin Tónlistarnæring í sal Tónlistarskóla Garðabæjar áfram eftir stutt heimsfaraldurshlé.

Menningar- og safnanefnd Garðabæjar stóð fyrir gerð myndbanda þegar ekki var hægt að bjóða viðburði vegna samkomutakmarkanna. Nýjustu myndböndin eru gerð eftir handriti þjóðfræðingsins Dagrúnar Óskar Jónsdóttur. Myndböndin þrjú fjalla um huldufólk, landvættina og sögur af þeim og svo leiki barna.