Fréttir (Síða 87)

Miðvikudaginn 16. júní voru undirritaðir tveir merkir samningar. Annars vegar undirrituðu Dr. Janus Guðlaugsson og Stefanía Magnúsdóttir fv. formaður Félag eldri borgara í Garðabæ (FEBG) samning til eflingar heilsuræktar eldra fólks í Garðabæ. Hins vegar undirrituðu Þórunn Sveinbjörnsdóttir fv. formaður Landssambands eldri borgara (LEB) og Dr. Janus samning við LEB til að efla þátttöku eldra fólks í heilsueflingu.

Sumarfjör er leikjanámskeið á vegum Garðabæjar fyrir börn á aldrinum 8-12 ára. Námskeiðin eru í boði frá 21. júní - 30. júlí 2021.

Alls kusu 2473 eða um 17,1% íbúa Garðabæjar sem voru á kjörskrá, þ.e. íbúar sem verða 15 ára á árinu (fæddir 2006) og eldri. 

Fánahönnun, grímugerð og lúðraþytur. Söngur, danspartý og bátafjör. Sund, gamlir leikir og hönnun. Allir dagskrárliðir eru ókeypis sem og aðgangur í sundlaugar og söfn. Fögnum þjóðhátíðardeginum árið 2021 saman!

Nú geta íbúar sent upplýsingar um það sem betur má fara í umhverfinu í bænum í gegnum nýjan ábendingavef sem kominn er í loftið

Niðurstöður dómnefndar úr hönnunarsamkeppni um nýjan leikskóla í Urriðaholti í Garðabæ voru kynntar við hátíðlega athöfn í Sveinatungu á Garðatorgi þriðjudaginn 8. júní sl.. Í fyrsta sæti var tillaga HuldaJóns Arkitektúr, sastudio og exa nordic.

Niðurstöður úr rafrænum kosningum Betri Garðabæjar liggja nú fyrir. Kosningar stóðu yfir frá 26. maí til og með 7. júní 2021. Betri Garðabær er samráðsverkefni íbúa og stjórnsýslu Garðabæjar um forgangsröðun og úthlutun fjármagns til smærri framkvæmda í nærumhverfi íbúa í Garðabæ.

Nú styttist í að Vinnuskóli Garðabæjar hefjist en skólinn hefst fimmtudaginn 10. júní kl. 8:30 hjá nemendum sem fæddir eru 2005 og 2006 og mánudaginn 14. júní hjá þeim sem eru fæddir árið 2007.

Á leik Stjörnunnar við Þór í körfuknattleik í vikunni var fagnað þeim sögulega árangri Stjörnunnar að vinna Íslandsmeistaratitla í níu af fimmtán yngri flokkum í körfuknattleik árið 2021.

Á menningaruppskeruhátíð Garðabæjar, sem var haldin í Sveinatungu á Garðatorgi miðvikudaginn 2. júní s.l., var tilkynnt um útnefningu bæjarlistamanna Garðabæjar 2021 og í ár eru það hjónin Unnur Ösp Stefánsdóttir og Björn Thors sem hljóta þann heiður.

Taktu þátt og kjóstu þín uppáhaldsverkefni! Rafrænar kosningar í lýðræðisverkefninu Betri Garðabæ hafa farið vel af stað og hægt er að kjósa til miðnættis mánudaginn 7. júní nk. 

Garðabær fékk 4 milljóna króna styrk úr Barnamenningarsjóði sem veitt var úr í þriðja sinn þann 28. maí sl. Verkefni Garðabæjar sem hlaut styrk nefnist ,,Við langeldinn / Við eldhúsborðið“ og er þar vísun í landnámsskálann á Hofsstöðum.