Fréttir: 2018 (Síða 2)

Í dag, 12. desember var skólastjórnendum í Garðabæ boðið á fræðslufund í GKG. Fyrirlesari var Helena Ólafsdóttir knattspyrnuþjálfari og nefndist fyrirlestur hennar „ mikilvægi liðheildar“

Á fund bæjarráðs Garðabæjar í morgun, 11. desember mættu Jón Viðar Matthíasson, slökkviliðsstjóri höfuðborgarsvæðisins og Ingveldur Lára Þórðardóttir, skrifstofustjóri SHS og kynntu þau samþykkta brunavarnaáætlun.

Aðgengi að ruslatunnum hefur verið gott í desember og er sorphirða á áætlun. Unnið verður stíft fram að jólum og milli jóla og nýárs við að losa tunnur í Garðabæ og er mikilvægt að greiða götu starfsfólks við sorphirðustörf með snjómokstri og hálkuvörnum ef svo ber undir. 

Á fundi bæjarstjórnar Garðabæjar 6. desember sl. var fjárhagsáætlun fyrir árið 2019 samþykkt.

Á fundi bæjarráðs sem haldin var 4. desember sl. voru lagðar fram umsóknir um starf forstöðumanns fræðslu- og menningarsviðs.

Elskuleg samstarfskona okkar, Guðfinna Björk Kristjánsdóttir, upplýsingastjóri lést á líknardeild Landspítalans þriðjudaginn 27. nóvember sl.

Hinn árlegi jóla- og góðgerðardagur á Álftanesi var haldinn laugardaginn 1. desember síðastliðinn í íþróttamiðstöðinni á Álftanesi. Dagskrá innandyra stóð yfir frá hádegi en kl. 16:10 voru ljósin svo tendruð á jólatrénu fyrir utan íþróttamiðstöðina.

Fjölmargir menningarviðburðir verða í boði á aðventunni í Garðabæ. Í viðburðadagatalinu á vef Garðabæjar er hægt að sjá nánari upplýsingar um hvern viðburð.

Laugardaginn 1. desember nk. verða ljósin tendruð á jólatrénu á Garðatorgi. Jólatréð er gjöf frá Asker, vinabæ Garðabæjar í Noregi, og þetta er í 49. sinn sem Garðbæingar fá þessa vinasendingu þaðan. 

Miðvikudaginn 27. nóvember sl. var opið hús og rauður dagur/jólapeysudagur í leikskólanum Holtakoti á Álftanesi. Foreldrum og öðrum ættingjum var boðið að koma í heimsókn, skoða listaverk barnanna og gæða sér á heitu súkkulaði, kaffi, smákökum og heimabökuðu kryddbrauði. Þá var klifurveggur leikskólans vígður.

Haldinn var fyrirlestrardagur í Hönnunarsafni Íslands, Garðatorgi 1 föstudaginn 23. nóvember sl. og var yfirskriftin Kóperingar, klassík og hefðir í hönnun. 

Ný reiðleið frá Kjóavöllum um Grunnuvötn í Heiðmörk var tekin í notkun með formlegum hætti fimmtudaginn 22. nóvember sl.