Fréttir: 2019 (Síða 2)

Veðurstofa Íslands hefur gefið út appelsínugula viðvörun fyrir höfuðborgarsvæðið vegna veðurs á morgun þriðjudaginn 10. desember frá kl. 15.  Röskun á skólastarfi verður virkjuð á morgun þriðjudag og verða foreldar og forráðamenn beðnir um að sækja börn sín í skólann fyrir klukkan 15:00. Ekki er ráðlagt að börn gangi ein heim eftir klukkan 13:00.

Á fundi bæjarstjórnar Garðabæjar 5. desember sl. var fjárhagsáætlun fyrir árið 2020 samþykkt. Fjárhagsáætlun Garðabæjar sýnir sterka fjárhagsstöðu Garðabæjar þar sem skuldir eru hóflegar og langt undir viðmiðunarmörkum skv. sveitarstjórnarlögum. 

Margir lögðu leið sína í Krók þetta árið þegar komið var að hinni árlegu aðventuopnun sunnudaginn 1. desember sl. 

Það var fjölmennt á Garðatorgi laugardaginn 30. nóvember sl. þegar ljósin voru tendruð á jólatrénu sem er staðsett fyrir framan ráðhústurninn. 

Laugardaginn 30. nóvember nk. verða ljósin tendruð á jólatrénu á Garðatorgi.

Jafnréttisstefna Garðabæjar til næstu fjögurra ára, 2019-2023, var samþykkt á fundi bæjarstjórnar Garðabæjar fimmtudaginn 21. nóvember sl.

Á dögunum voru 50 ár liðin frá því að Hjálparsveit skáta Garðabæ var stofnuð. Í tilefni þess var haldið opið hús í Jötunheimum laugardaginn 16. nóvember þar sem gestum og gangandi var boðið til veislu.

Fimmtudaginn 21. nóvember var nýr leikvöllur á Álftanesi formlega vígður. Leikvöllurinn er staðsettur við Norðurtún og hefur hann verið endurnýjaður að öllu leyti.

Veitur og Garðabær hafa gert með sér samkomulag um uppbyggingu innviða fyrir hleðslu rafbíla í bænum. Markmiðið er að koma upp hleðslubúnaði fyrir rafbíla þeim til afnota sem síður geta komið slíkum búnaði upp heima fyrir og starfsfólki Garðabæjar.

Málþing um börn og samgöngur var haldið mánudaginn 18. nóvember sl. í Sveinatungu á Garðatorgi. 

Hin árlega Tónlistarveisla í skammdeginu var haldin fimmtudagskvöldið 14. nóvember sl. á Garðatorgi. 

 Í vikunni fór fram formleg afhending á fjórum nýjum slökkvibifreiðum þegar stjórn Slökkviliðs höfuðborgarsvæðisins tók við lyklunum og afhenti slökkviliðinu.