Fréttir: 2020 (Síða 7)

Leið 22 er ný strætóleið sem fer um Urriðaholtið að Ásgarði í Garðabæ.  18 manna smárúta ekur leiðina á annatímum á virkum dögum og utan annatíma og um helgar verður leiðin í pöntunarþjónustu*.  

Frístundabíllinn í Garðabæ hefur það hlutverk að keyra börn frá frístundaheimilum grunnskóla í íþrótta- og tómstundastarf. 

Í sumar naut Garðabær aðstoðar öflugra sumarstarfsmanna í ýmsum verkefnum, meðal annars var aðgengi í bænum fyrir hreyfihamlaða skráð í smáforritið TravAble

Íslandsmótið í skák (Skákþing Íslands) fór fram í Garðabæ dagana 22.-30. ágúst sl. þegar teflt var í landsliðsflokki í Álftanesskóla.

Á fundi bæjarráðs Garðabæjar í morgun, þriðjudaginn 1. september, var lögð fram tillaga um almenningssamgöngur í Urriðaholti. Gert er ráð fyrir að akstursleið verði frá skóla- og íþróttasvæði við Ásgarð að Urriðaholti þar sem ekið verður hring um hverfið að Urriðaholtsskóla og aftur í Ásgarð. Í Urriðaholti verða 3-4 biðstöðvar fyrir strætó.

Í vikunni voru haldnir tveir kynningarfundir um skipulagsmál í Garðabæ á Norðurnesi og í Vífilsstaðalandi. Fjarfundirnir voru vel sóttir og margir sem fylgdust með í beinni og tóku þátt með því að senda inn spurningar á meðan á fundunum stóð.

Skipulagt íþróttastarf fyrir eldri borgara á vegum Garðabæjar sem átti að hefjast í haust verður frestað tímabundið skv. ákvörðun neyðarstjórnar Garðabæjar í ágúst 2020. Um er að ræða sundleikfimi og skipulagða hóptíma í leikfimi. 

Vegna vinnu við breytingar á gatnamótum Hafnarfjarðarvegar og Vífilsstaðarvegar þarf að loka afrein inn á Vífilsstaðaveg. Áætlað er að lokunin standi í 3 vikur.

Nú stendur yfir aðlögunartímabil í leikskólum Garðabæjar þar sem ný börn mæta í leikskólana til að kynnast starfinu. Vegna fjarlægðartakmarkana og sóttvarna er aðlögunartímabilinu dreift á lengri tíma en áður.

Föstudaginn 14. ágúst var undirritaður samstarfssamningur á milli Garðabæjar, Húsbygg ehf og Íslandsbanka um uppbyggingu fjölbýlishúsa á miðsvæði Álftaness við Breiðumýri.

Þriðjudaginn 25. ágúst kl. 17 verður kynningarfjarfundur um skipulag á Norðurnesi og fimmtudaginn 27. ágúst kl. 17 verður kynningarfjarfundur um skipulag í Vífilsstaðalandi. Vegna samkomutakmarkana fara báðir fundir fram í gegnum Facebook síðu Garðabæjar.

Skólasetning grunnskóla í Garðabæ verður mánudaginn 24. ágúst.  Í vetur verða um 2500 nemendur í 1.-10. bekk í grunnskólum Garðabæjar og 240 börn hefja nám í 1. bekk.