Fréttir (Síða 99)

Í vor var ákveðið að fjölga gjalddögum fasteignaskatta og fasteignagjalda til að létta mánaðarlega greiðslubyrði íbúa og atvinnulífs vegna COVID-19 faraldursins. Síðasti gjalddagi fasteignagjalda er núna í nóvember.  

Tónlist, hönnun, rannsóknir, bæjarlistamenn, myndlist, bókmenntir, handverk og arkitektúr í Garðabæ eru efni nýrra rafrænna menningarþátta á vegum menningar- og safnanefndar Garðabæjar. Í vikunni var sett inn upptaka á netið af hugljúfum tónleikum Jóhönnu Guðrúnar og Davíðs Sigurgeirssonar. 

Íbúum Garðabæjar gefst kostur á að senda inn ábendingar og tillögur vegna fjárhagsáætlunargerðar fyrir árin 2021-2024.  Ábendingarnar geta t.d. snúið að tillögum til hagræðingar í starfsemi Garðabæjar, nýjum verkefnum sem bærinn ætti að sinna eða verkefnum sem leggja þarf áherslu á í starfsemi bæjarins.

Leik- og grunnskólar á höfuðborgarsvæðinu taka til starfa á ný á morgun, þriðjudaginn 3. nóvember en starfsdagur var í dag vegna skipulagningar skólastarfs í ljósi hertra sóttvarnarreglna.

Breyting á akstri frístunda- og skólabíls næstu vikur vegna Covid-19.

Sveitarfélögin og almannavarnir á höfuðborgarsvæðinu hafa ákveðið að hafa skipulagsdag í leik- og grunnskólum, tónlistarskólum og frístundastarfi mánudaginn 2. nóvember vegna hertra sóttvarnareglna stjórnvalda til varnar COVID-19. 

Á Garðatorgi og víðar um bæinn má nú sjá skærgræn rafhlaupahjól sem almenningur getur tekið á leigu. Í vikunni opnaði fyrsta rafhlaupahjólaleigan í Garðabæ. Með tilkomu rafhlaupahjóla- og rafhjólaleigu í Garðabæ aukast enn fremur valkostir íbúa við að velja sér umhverfisvænni samgöngumáta.  

Umhverfisstofnun undirbýr nú friðlýsingu Urriðakotshrauns í samstarfi við Garðabæ og landeigandann sem er Styrktar-og líknarsjóður Oddfellowa. Stefnt er að því að svæðið verði friðlýst sem fólkvangur, svæði til útivistar og almenningsnota þar sem jarðmyndanir, menningarminjar og gróðurfar eru verndaðar.

 Hertar sóttvarnaráðstafanir taka gildi laugardaginn 31. október. Sömu reglur munu gilda um allt land. Meginbreytingin felst í 10 manna fjöldatakmörkum í stað 20 áður. 

Að teknu tilliti til þess að enn er í gildi neyðarstig almannavarna vegna COVID-19 hvetjum við foreldra og forráðamenn að halda upp á hrekkjavökuna með börnum sínum með öðru sniði í ár. 

Fréttatilkynning frá almannavarnanefnd höfuðborgarsvæðisins um íþróttastarf barna og ungmenna næstu vikur. 

Hönnunarsafnið býður nú gestum upp á fjölbreytta viðburði og sýningar í rafheimum, þar má nefna leiðsögn um sýninguna 100% ULL og fuglasmiðju fyrir alla fjölskylduna.