Fréttir (Síða 96)

Íbúum í Garðabæ fjölgaði um 768 á tímabilinu frá 1. desember 2019 til 1. janúar sl. samkvæmt tölum frá Þjóðskrá Íslands. Um er að ræða næst mestu fjölgun á landsvísu en í Reykjavík fjölgaði íbúum um 2.133 á sama tímabili. Íbúafjöldi í Garðabæ er núna 17.692 (1. janúar 2021).

Miðvikudaginn 6. janúar nk. verður dælustöðin við Arnarnesvog sett á yfirfall vegna viðhalds á vegum Samveitu Garðabæjar. Ekki er talið ráðlegt að stunda sjóböð eða fjöruferðir við Arnarnesvog á meðan og næstu daga á eftir.  

Eins og undanfarin ár verða jólatré hirt í Garðabæ. Hjálparsveit skáta í Garðabæ sér um að hirða trén fimmtudagskvöldið 7. janúar og föstudagskvöldið 8. janúar nk.

Flugeldasýning hjálparsveitar skáta í Garðabæ verður haldin á gamlárskvöld kl. 21:00 við Arnarnesvoginn og ætti að sjást víða að þannig að íbúar geti notið hennar úr fjarlægð heiman frá eða útivið á göngustígum án þess að safnast saman.

Foreldrar/forráðamenn eru minntir á að nýta hvatapeninga ársins 2020 fyrir áramót. Hvatapeningana er hægt að nýta til að lækka kostnað við skipulagt íþrótta- og æskulýðsstarf.

Sorphirða fer fram núna síðustu daga fyrir jól og á aðfangadag skv. sorphirðudagatali og aftur strax eftir áramót (pappírstunna er tæmd milli jóla og nýárs). Umframsorp sem kemst ekki fyrir í almennu tunnunum má skilja eftir í vel lokuðum plastpokum við hliðina á sorptunnunum við fyrstu tæmingu eftir áramót en íbúar eru jafnframt hvattir til að flokka vel og nýta grenndargáma eða endurvinnslustöðvar Sorpu.

Á vefnum covid.is er að finna margvíslegar upplýsingar fyrir almenning um Covid-19 faraldurinn. Þar á meðal eru góð ráð fyrir jólin og hvatning til að halda upp á jól og áramót með öðru sniði. 

Fimm konur og fimm karlar hafa verið tilnefnd af ÍTG til íþróttakonu og íþróttkarls 2020. Almenningi gefst kostur á að hafa áhrif á kjörið með því að taka þátt í vefkosningu sem stendur frá 23. desember 2020 til 4. janúar 2021. 

Tónleikar kammerhópsins Camerarctia ,,Mozart við kertaljós" verður að þessu sinni streymt frá Garðakirkju þriðjudaginn 22. desember kl. 21 í boði menningar- og safnanefndar Garðabæjar. 

Afgreiðslutími ráðhúss Garðabæjar, Bókasafns Garðabæjar, Hönnunarsafns Íslands og sundlauga Garðabæjar um jól og áramót.

Í Garðabæ hafa bæði sveitarfélagið og skólar þess lagt ríka áherslu á þá skyldu sína að tryggja á öllum tímum, velferð, vellíðan og öryggi allra nemenda. Mikilvægt er að vinna saman að því að tryggja góð samskipti til að fyrirbyggja einelti innan skólanna sem og innan samfélagsins í heild. 

Í vetur efndu félagsmiðstöðvar fyrir ungmenni í Garðabæ til samstarfs sem fékk heitið Götuvaktin. Götuvaktin er vettvangsstarf og er tilgangurinn að auka sýnileikann úti í hverfunum með vöktum fyrir utan opnunartíma félagsmiðstöðvanna og mynda tengingar við unglingahópana utan hins hefðbundna starfsumhverfis.